Festîvala Bedirxan li Parîsê dest pê kir

Nûçexane –  Festîvala Bedirxan a Navneteweyî ya 8an, li Parîsê bi beşdarîya bi sedan mêvan, ronakbîr û hunermendên Kurd yên li welêt û derveyî welat dest pê kir. 8emîn Festîvala Bedirxan li NOVOTEL a Parîsê wê 9 û 10ê Tîrmehê bi çalakîyên hunerî û gotarên edebî-kulturî berdewam bike.

Hat ragihandin ku, di festîvalê de nûnerê Hikûmeta Herêma Kurdistanê Xeman Zirar û nûnerê Partî Niştîmanî Kurdistan (YNK) Berzan Ferec jî beşdarîkirine û her wiha şaredarê Parîsê, nûnerê Partîya Sosiyalîst ya Fransayê jî di festîvalê de amade bûne.

Festîvala Bedirxan ev heşt sal in li qada navneteweyî bi beşdarbûna rewşenbîr, hunermend û nûnerên sazî û dezgehên curbecur ji gelek deverên dinyayê tê lidarxistin.

Festîvala 1ê sal 2004-Silêmanî, ya 2yan 2005-Duhok, ya 3yan 2006-Hewlêr, ya 4an 2007-Berlîn/Almanya, ya  5an 2008-Qahîre/Misr, ya 6an 2008-Atîna/Yewnan, ya 7an jî sala 2010î li Amerîka Waşhingtonê hatibû lidarxistin.

Advertisements