Serok Barzanî Amadehîya Ragihandina Serxwebûna Kurdistanê Dike

Nûçexane – Hate ragihandin ku serokê Kurdistanê Mesûd Barzanî di vê Newrozê de amadekariya ragihandina dewleta kurdî dike.

Di derbarê vê yekê de Barzanî wezîrê derve yê Iraqê Hoşyar Zêbarî jî agahdar kiriye.

Ajansa nûçeya ya Iraqê El Nexîl di nûçeyeke xwe de ragihand ku Barzanî ji Zêbarî re gotiye ku welatên Ewropa bi giştî piştgiriya avakirina dewleta kurdî dikin.

Her wiha Barzanî ji Zêbarî re gotiye ku helwesta Frensa û Brîtanya di vê derbarê de ne pir zelal e.

Amerîka jî gotiye ku hîn dem ji bo vê yekê ne amade ye, lê belê weke prensîb ne li dij e.

Barzanî her wiha destnîşan kiriye ku ew ji bo ragihandina dewleta Kurdî pêwendiyên xwe bi Neteweyên Yekgirtî û Konseya Ewlekariyê re berdewam dikin.

Helwesta Rusya û Çîn jî heta niha ne diyar in.

Barzanî ji Zêbarî re gotiye ku ew li ser kar dikin ku Tirkiyê jî razî bikin.

Ji bo ragihandina dewleta kurdî, Barzanî giraniyê dide ser çêkirina referandumê.

Serok Barzanî ji Zêbarî daxwaz kiriye ku sefîrên Kurd yên Iraqê rola xwe bilîzin.

Weke tê zanîn girîngritîn balyozxaneyên Iraqê di destê Kurdan de ne.

Hate zanîn ku Barzanî ji bo ragihandina dewleta kurdî serokê Iraqê Talabanî jî agahdar kiriye, Talabanî erênî nêzîkî vê biryara Barzanî bûye û razîbûna xwe diyar kiriye. Nûçeya Kurdî: Avestakurd

Advertisements