Serokatîya Herêmê Helwestên PYDê Mehkûm Kir

Nûçexane – Serokatîya Herêma Kurdistanê (SHK) derbarê helwest û daxuyanîyên Partiya Yekîtiya Demokrat (PYD) ku piştî Kongreya Kurdên Sûrî yên Derveyî Welat li Hewlêrê pêk hatibû, daxuyaniyek ragihand.

SHKê helwesta PYDê ya derbarê kongreya Hewlêrê de mehkûm kir û da zanîn ku PYD bi agahiyên ji rastîyê dûr dixwaze bandorê li ser yekrêzî û yekhelwestîya kurdên Sûriyê bike.

Daxuyanîya Serokatîya Herêma Kurdistanê:

Ewê rûn û eşkereye ku Herêma Kurdistanê wekî erkekî netewayetî û bi navê pêşxistina yekrêziya gelê Kurd li Kurdistana Sûriye, hemû hêsankariyekî pêşkêş kir heta ku revenda Kurd ya wî beşa Kurdistanê bikarin li keş û hewayeke azad da rewşa xwe guftûgo bikin. Ji bo vê mebestê jî ji bilî revenda Kurdê Sûriye li derve, hemû hêz û aliyê siyasiyan jî hatibûn vexwendin û li nav wan de Partiya Yekîtiya Demokrat (PYD) jî hebû, li dawiyê da ew bi xwe paşve vekişiyan, ne xwe berî ku peşîman bibin behsa kongreyê li gel wan da hatibû kirin û diviya beşdar bibûyan, lê belê li encamêda hemû aliyên vexwendî ji bilî wan hatin, sedema amadenebûna wan vedigere li ser wan bi xwe, ji bo wê yekê radigihînîn ku axaftin û daxûyaniya PYD ku qaşo nehatine vexwendin, tu rastiyekî xwe tûne.

PYD ji bilî wê beyanê jî, li vê qonaxa hestiyara ku Kurdistana Sûriye têda derbas dibê, dixwaze wê axaftina nerast û bê bingeh bêxe nav civaka Kurdistanî ku qaşo kongreya Hewlêr belavbûn û dûberekî dixe nav rêzên Kurd ve, ev lêborîn ji qebaheta berê mezintire, ji ber ku raya giştiya Kurdistanê agahdare ku kongreya Hewlêr ji bo pêşxistina nav mal û yekrêzî û yek helwestiya Kurd bûye û ji bilî wê revenda Kurd û nivîskar û rewşenbîr û kesayetiyên serbixwe û nuxbeya Kurdên Sûriye bi giştî li bîst û pênc welatên cîhanê, hejmara herî zêdeyê wan hizb û aliyên siyasiyan jî têda amadebûn ku rola wan li meydana siyasî da heye, bila gelê Kurdistanê jî wê hukmê bide, tefreqe û du berekî li ku û li çiyê kongreya Hewlêrê de hatiye kirin‌, ew hemû welatparêzê birêzên beşdar bûn, çawa li kongreyek da amade dibin mebest jê anîna tefreqe bê!, kijan mentiq wê yekê qebûl dike ew hemû xelk û ew hemû hêzên siyasî çavên xwe li hengavek bigrin ku du berekî jê derkevê, yan take aliyek ku ew bi xwe nexwest amade bibê, bi kijan mentiq tenê xwe pê pejirandiye û zêdetirê wê jî belave tefreqeçiye!.

Li dawiyê de yek tişt dibêjîn, ew jî eweye ku axaftin û beyannameya (PYD) rêk li axaftin û daxûyaniyên Devlet Bahçeli diçin û du şêwazên hevşêwe û hevmebestin û li yek nêrîn û eqliyetê jêdera xwe girtiye ji bo dijayetîkirina Kurd, ew axaftin ewqas eşkere û bê pêçahî û pena peyama dijî bi Kurdin, her şîrovekirineke wan jî pêwîst nake.

Berdevkek bi navê

Serokayetiya Herêma Kurdistanê

01/02/2012

Advertisements