Gallery

Barzanî Vegerîya Kurdistanê (+Wêne)

Nûçexane – Serokê Herêma Kurdistanê Mesûd Barzanî û şandeya pê re serdana xwe ya Amerîka, Bûlxaristan, Macarîstan û Tirkiyê bi dawî kir. Serok Barzanî û şandeya pê re demek berê bi firokeya taybet ku ji Enqerê rabû gihîştin paytexta Herêma Kurdistana Federal Hewlêrê.

Agahdarîya Serokatîya Herêma Kurdistan li ser vegera Serok Barzanî ya Welat

Piştî seredaneke fermî ya welatên Bulgarîstan, Wîlayetên Yekgirtiyê Emerîka, Macarîstan û Tirkiyê û civîn û hevdîtinên bi berpirsiyarên pile bilindên van welatan re, êvariya îro (20-04-2012) bi rêya Balafirxaneya Navneteweyiya Hewlêrê, birêz Mesûd Barzanî Serokê Herêma Kurdistanê vegeriya Hewlêra paytexta Herêma Kurdistanê.

Li firokxaneyê jî ji aliyê Nêçîrvan Barzanî Serokê Hikûmeta Herêma Kurdistanê, Dr Mihemed Hesen Sure Cîgirê Serokê Parlemênê, Fazil Mîranî Sekreterê Mekteba Siyasiya Partiya Demokrata Kurdistanê û hejmareke endamên mekteba siyasiya Partî û Yekîtî û Wezîrên Hikûmeta Herêma Kurdistanê ve hate pêşwazîkirin.

Wêne: Rûpela PDK ya Facebookê

Advertisements