Gallery

Tîma Kurdistan ji Şampîyonîya VIVA re amade ye

Nûçexane – Pêkhateya tîma fûtbola Kurdistanê ji bo şampiyoniya navdewletî ya VIVA hat ragihandin.


Rahênerê tîma Kurdistanê, Ebdula Mehmûd ku, piştî çend yariyên hevalînî û şampiyoniya Filistînê, me pêkhateya tîmê bo şampiyoniya VIVA destnîşan kir.

Ebdula, diyar kir, pêkhateya tîmê ya ku dê beşdarî yariyên VIVA bike, ji 23 lîstikvan pêk tê ku lîstikvanên herî baş ên Kurdistanê ne û lîstikvan dê ji sibê (2 hezîran) ve herin hotêla xwe li kêleka yarîgeha Frenso Herîrî ya Hewlêrê û dê heta dawiya şampiyoniyê li wir bimînin.

Rahênerê Kurdistanê, bang li hemû alîgir û medya û ragihandinê kir ku pişta tîma Kurdistanê bigirin û wiha got, “Ji ber ku ev tîm, tîma hemû Kurdistanê ye.”

Ebdula Mehmûd, navên lîstikvanên tîma Kurdistanê û numareya kincê wan jî wiha anî ziman:

Golparêz: Dîdar Hamîd (1), Kawe Dîno (30), Xefûr Osman (20)

Hêla Bergirî: Mihemed Hemexan (5), Sebah Hesîb (2), Amanc Kerîm (15), Beyar Ebdûbekir (27), Şêrzad Mihemed (24), Xalid Muşîr (8), Herdî Siyamend (4)

Hêla Navîn: Mîran Xesro (16), Elî Ezîz (11), Kosret Bayîz (21), Amanc Omer (18), Barzan Şêrzad (7), Nêçîrvan Şukrî (25), Amad Îsmaîl (26), Helgord Mela Mihemed (12)

Hêla Hêrşberan: Karzan Ebdula (10), Newzad Şêrzad (9), Salih Cabir (13), Renc Behadîn (17).

Rahêner: Ebdula Mehmûd, cîgirên rahêner: Semîr Sedîq, Silêman Remezan, rahênerê golparêzan: Rizgar Elî, dixtor: Xelat Salih, kargêrê tîmê: Selah Mistefa, serperstê tîma Kurdistanê: Sîrwan Necmedîn.

Şampiyoniya VIVA, îsal li Kurdistanê tê lidarxistin û dê 4 Hezîranê dest pê bike û heta 9 Hezîranê bidome. 9 tîm beşdarî şampiyoniyê dibin.  AKnews

Advertisements